It-terminu “pagi” jew “paga” tipikament jinkludi:

• Paga bażika (paga grossa annwali u l-paga grossa fis-siegħa korrispondenti)
• Kwalunkwe allowance (bħal allowance għax-xift, bonus għall-prestazzjoni, kummissjoni eċċ.) li jkun hemm qbil dwarha fil-kuntratt tal-impjieg jew fi Ftehim Kollettiv applikabbli
• Ħlas għas-sahra, fejn applikabbli
• Remunerazzjoni għal btajjel pubbliċi u liv għall-vaganzi
• Bonuses statutorji u allowances ta’ kull ġimgħa (kif definiti mil-liġi Maltija)

F’termini sempliċi, il-pagi jinkludu kwalunkwe flus imħallsa lil impjegat għax-xogħol li jagħmel, abbażi ta’ ftehim jew kif meħtieġ mil-liġi.

Barra minn hekk, dawn il-pagamenti jridu jkunu dettaljati, jiġifieri l-impjegatur irid jipprovdi diżaggregazzjoni ċara li turi kif tkun magħmula l-paga totali (eż. paga bażika, allowances, sahra, eċċ.).

It-terminu “kategorija” jirreferi għall-klassifikazzjoni tal-impjegati abbażi tat-tip jew tal-livell ta’ xogħol li jwettqu. Dan jista’ jinkludi rwoli/klassi bħal ħaddiema maniġerjali, superviżorji, klerikali, tekniċi, b’ħiliet speċjalizzati, b’ħiliet medji, jew mingħajr ħiliet.

Le, għalkemm huma relatati, mhumiex l-istess.

Il-livell tal-paga jirreferi għal punt jew grad fiss fi struttura ta’ paga assenjata għal impjieg, rwol jew klassifikazzjoni speċifiċi. Il-progressjoni tirreferi għall-moviment fi ħdan jew bejn il-livelli tal-pagi jew il-faxex tas-salarji, normalment abbażi tal-esperjenza, il-prestazzjoni, jew is-snin ta’ servizz.

Il-kelma ewlenija għall-progressjoni hija “medda”, peress li tindika kif impjegat jista’ jiċċaqlaq fi ħdan kategorija ta’ salarji definita marbuta mal-impjieg jew il-grad tiegħu. Għalhekk, filwaqt li l-livelli tal-pagi huma punti statiċi fl-istruttura, il-progressjoni hija dwar kif impjegat javvanza permezz ta’ dawk il-livelli jew fi ħdan medda ta’ pagi.

Huwa importanti għal impjegat li jkun jaf kemm il-livell tal-paga tiegħu kif ukoll il-progressjoni minħabba li:

Huwa dritt bażiku li wieħed ikun infurmat dwar it-termini u l-kundizzjonijiet relatati mal-impjieg u r-rwol tiegħu. Li tkun taf biss kif tista’ tavvanza l-paga (jiġifieri, il-progressjoni) mhuwiex biżżejjed mingħajr ma tifhem il-punt tat-tluq u l-massimu potenzjali (jiġifieri, il-livell tal-paga). Il-livell tal-paga jiddefinixxi l-faxxa jew il-medda tas-salarju marbuta mar-rwol, filwaqt li l-progressjoni turi kif impjegat jista’ jiċċaqlaq f’dawk il-livelli jew bejniethom maż-żmien.

Il-fehim tat-tnejn jgħin lill-impjegati jistabbilixxu aspettattivi realistiċi, jippjanaw it-tkabbir tal-karriera tagħhom, u jivvalutaw l-opportunitajiet għall-iżvilupp u l-promozzjoni.

Iva, l-impjegat prospettiv għandu d-dritt li jingħata dispożizzjonijiet rilevanti dwar il-paga tal-ftehim kollettiv kif applikat mill-impjegatur fir-rigward tal-pożizzjoni.

L-impjegatur għandu jipprovdi tali informazzjoni lill-impjegat prospettiv qabel id-data tal-bidu tal-impjieg.