Il-previżjonijiet tal-Att dwar l-Impjiegi u r-Relazzjonijiet Industrijali relatati mal-mod ta’ ħlas tal-pagi miksuba minn jew li għandhom jitħallsu liċ-ċittadini ta’ pajjiżi terzi ser jidħlu fis-seħħ fl-1 ta’ Ottubru 2025.

Dan l-Att ser japplika għaċ-ċittadini ta’ pajjiżi terzi li jibdew l-impjieg tagħhom fl-1 ta’ Ottubru 2025 jew wara.

Id-definizzjoni ta’ ċittadin ta’ pajjiż terz hija l-istess bħal fl-Att dwar l-Immigrazzjoni u fl-Att dwar l-Impjieg u r-Relazzjonijiet Industrijali (EIRA).

Kull paga miksuba minn jew dovuta lil ċittadini ta’ pajjiżi terzi trid titħallas biss permezz ta’ trasferiment bankarju f’kont f’isem l-impjegat jew permezz ta’ trasferiment elettroniku minn istituzzjoni finanzjarja li hija liċenzjata u akkreditata.

Il-prinċipal hu mħeġġeġ juża sistema ta’ payroll marbuta ma’ bank liċenzjat u akkreditat biex jagħmel il-ħlas lill-impjegati.

Kemm il-prinċipal kif ukoll l-impjegat għandhom jżommu rekord ċar tal-ħlasijiet tal-paga, inkluż ammonti, dati, u metodi ta’ ħlas, biex jiġi żgurat it-trasparenza u jipprovdu evidenza f’każ ta’ awditi jew investigazzjonijiet.

Agħfas hawn għal aktar informazzjoni: https://legislation.mt/eli/act/2025/31/mlt