Il-Leave tal-Korriment tat-Tqala jingħata kemm lill-ħaddiem li jkun għadda minn korriment tat-tqala kif ukoll lill-ġenitur prospettiv l-ieħor.

Le, il-ħaddiema m’għandhomx għalfejn ikunu għamlu perjodu minimu ta’ xogħol sabiex jikkwalifikaw għal dan il-leave, u jistgħu jieħduh minnufih.

Iva, il-ħaddiema li għadhom taħt perjodu ta’ prova huma wkoll intitolati għal-Leave tal-Korriment tat-Tqala.

Iva, l-impjegat hu xorta eliġibbli, irrispettivament minn jekk it-tqala kinitx ġiet żvelata lill-prinċipal qabel ma seħħ it-telf ta’ tqala jew le.

Iva, jekk is-sitwazzjoni terġa’ sseħħ, il-ħaddiem jerġa’ jkun eliġibbli għal dan it-tip ta’ leave sakemm tiġi pprovduta d-dokumentazzjoni meħtieġa lill-prinċipal. Dan jista’ isir mingħajr ebda perjodu ta’ stennija.

Ħaddiema li jieħdu l-Leave tal-Korriment tat-Tqala għandhom sa mhux aktar tard minn jumejn (2) minn meta jidħlu lura għax-xogħol biex jipprovdu lill-prinċipal, iċ-ċertifikat maħruġ minn ostetriku jew ġinekologu rreġistrat.

Iċ-ċertifikat għandu jidentifika l-identità tal-ħaddiema li tkun sofriet il-korriment tat-tqala, jindika d-data li fiha seħħ il-korriment tat-tqala, u jivverifika li l-korriment tat-tqala seħħ qabel it-tnejn u għoxrin (22) ġimgħa ta’ tqala.

Sabiex il-ġenitur prospettiv l-ieħor jikkwalifika għal-Leave tal-Korriment tat-Tqala, għandha ssir dikjarazzjoni bil miktub mill-ħaddiema li tkun sofriet il-korriment tat-tqala li fiha l-ħaddiema għandha tidentifika l-identità tal-ġenitur prospettiv l-ieħor. Din id-dikjarazzjoni trid tkun iffirmata mit-tnejn u pprovduta lill-prinċipal tal-ġenitur prospettiv l-ieħor.