Il-prinċipal għandu d-dritt li jippreżenta applikazzoni lid-Dipartiment tas-Sigurta’ Soċjali għar-rifużjoni tal-pagament fir-rigward tal-Leave tal-Korriment tat-Tqala fi żmien tliet (3) xhur minn meta l-Leave tal-Korriment tat-Tqala jkun ittieħed.

Iva, il-Leave tal-Korriment tat-Tqala jista’ jingħaqad ma’ leave tal-mard jekk ikun meħtieġ. F’dan il-każ irid jigi ppreżentat ċertifikat mediku tal-mard lill-prinċipal biex ikopri l-perjodu tal-leave tal-mard.

F’każ illi ħaddiem ikollu leave għall-vaganzi diġà approvat u jaħbat mal-istess perjodu li matulu l-ħaddiem ikun eliġibbli għal-Leave tal-Korriment tat-Tqala, il-ħaddiem għandu jkollu l-għażla jekk iżommx il-leave għall-vaganzi diġà approvat jew jagħmel użu mil-Leave tal-Korriment tat-Tqala.

Fi tmiem il-Leave tal-Korriment tat-Tqala, il-ħaddiema huma intitolati li jirritornaw għall-karigi tagħhom u li jibbenefikaw minn kwalunkwe titjib fil-kondizzjonijiet tax-xogħol li kienu jkunu intitolati għalihom li kieku ma ħadux il-Leave tal-Korriment tat-Tqala irrispettivament minn jekk kinux infurmaw lill-prinċipal tagħhom dwar it-tqala minn qabel jew le.

Il-ħaddiema li jaħsbu li ġew imkeċċija għaliex applikaw għal, u, jew ħadu il-Leave tal-Korriment tat-Tqala jistgħu jitolbu lill-prinċipal bil-miktub ir-raġuni għat-tkeċċija. Il-prinċipal huwa obbligat jagħti tweġiba fi żmien ħmistax (15)-il jum mit-talba. Jekk l-impjegat jippreżenta evidenza li t-tkeċċija kienet għaliex ħa l-Leave tal-Korriment tat-Tqala, għandha tkun ir-responsabbiltà tal-prinċipal li jipprova li t-tkeċċija saret minħabba raġunijiet oħra.

Iva, ladarba jiġu ppreżentati ċ-ċertifikati meħtieġa lill-prinċipal, dan ma jistax jirrifjuta t-talba għal Leave tal-Korriment tat-Tqala

Kwalunkwe informazzjoni miksuba mill-prinċipal b’rabta mal-Leave tal-Korriment tat-Tqala, inkluż iċ-ċertifikat mediku u d-dikjarazzjoni tal-ġenitur prospettiv l-ieħor għandha tiġi ttrattata b’kunfidenzjalita’ stretta. Il-prinċipal għandu jiżgura li l-aċċess għall-informazzjoni għandu jkun strettament limitat għal l-amministrazzjoni tal- Leave tal-Korriment tat-Tqala u skont id-dispożizzjonijiet tal-Att dwar il-Protezzjoni tad-Data.