Jekk wara li jagħti/tagħti l-avviż, l-impjegat/impjegata jonqos/tonqos milli jaħdem/taħdem matul il-perjodu tal-avviż, huwa/hija jkun/tkun obbligat/obbligata jħallas/tħallas lil min iħaddmu/iħaddimha somma ugwali għal nofs il-pagi li għandhom jitħallsu fir-rigward tal-perjodu ta’ notifika mhux skadut.

​Jekk l-impjegat/impjegata jagħżel/tagħżel li jkompli/tkompli jwettaq/twettaq xogħol sakemm jiskadi l-perjodu ta’l-avviż imma min iħaddem/tħaddem jipprekludih/tipprekludih milli jagħmel/tagħmel hekk, min iħaddem/tħaddem ikun/tkun obbligat/obbligata li jħallas/tħallas lill-impjegat/impjegata somma ugwali għall-pagi sħaħ li għandhom jitħallsu f’dan ir-rigward, peress li ma skadiex il-perjodu ta’ avviż.

Jekk l-impjegat/impjegata jonqos/tonqos milli jagħti/tagħti avviż huwa/hija għandu/għandha jħallas/tħallas lill-prinċipal is-somma ugwali għal nofs il-pagi li għandhom jitħallsu fir-rigward tal-perjodu ta’ avviż li mhux maħdum.

​Impieg jista’ jiġi mitmum mingħajr avviż jew obbligu biex jikkumpensa għall-avviż meta t-tul tas-servizz ma jkunx itwal minn xahar, jew meta jkun hemm kawża tajba u suffiċjenti (eż. Azzjoni dixxiplinarja, raġunijiet ta’ saħħa eċċ.)

Il-pagi pendenti kollha għandhom jiġu mħallsa. sad-data tal-paga li jmiss wara t-tmiem tal-impieg.​​

​Impjegat/Impjegata li ma jitħallasx/titħallasx għax-xogħol tiegħu/tagħha jew li ma jirċevix il-paga tiegħu/tagħha fil-ħin għandu/għandha l-ewwel iġib/iġġib dan għall-attenzjoni ta’ min iħaddmu/iħaddimha. Jekk min iħaddem/tħaddem jippersisti/tippersisti li ma joħroġx/toħroġx il-ħlas dovut, l-impjegat/impjegata jista’/tista’ jirrapporta/tirrapporta l-kwistjoni lid-Dipartiment tar-Relazzjonijiet Industrijali u tal-Impieg biex tittieħed azzjoni.