​Impjegat/Impjegata jista/tista’ jagħmel/tagħmel talba valida għal pagi mhux imħallsa billi jibgħat/tibgħat id-dokument li ġej:

(i) talba valida għal pagi mhux imħallsa lill-Bord Amministrattiv tal-Fond ta’ Garanzija;

(ii) evidenza ċċertifikata li huwa/hija rreġistra/rreġistrat talba valida għal pagi mhux imħallsa fil-proċedimenti ta’ insolvenza ta’ min iħaddem/tħaddem; u

(iii) evidenza ċċertifikata li huwa/hija rreġistra/rreġistrat talba valida għal pagi mhux imħallsa mad-Dipartiment għar-Relazzjonijiet Industrijali u tal-Impieg, lill-Bord tal-Amministrazzjoni tal-Fond ta’ Garanzija, fi żmien xahrejn mill-bidu tal-insolvenza ta’ min iħaddem/tħaddem lil:

Il-President
Bord tal-Amministrazzjoni tal-Fond ta’ Garanzija
c/o 121, Triq Melita
Valletta.

(a) Kull impjegat/impjegata individwali jista’/tista’ jirreġistra/tirreġistra talba limitata għall-ammonti mhux imħallsa dovuti għal: ​

(i) pagi mhux imħallsa, li għandhom jikkonsistu fil-paga bażika għall-perjodu rilevanti mhux imħallas;

(ii) kwalunkwe sahra mhux imħallsa;

(iii) arretrati għal kwalunkwe dritt għal-leave għas-sena kalendarja kurrenti u preċedenti, u

(iv) kull avviż ta’ flus dovut skont il-liġijiet ta’ Malta;

(b) It-talba rreġistrata minn kull impjegat/impjegata individwali għandha tirreferi għal ammonti mhux imħallsa li kienu dovuti għal pagi pagabbli fi żmien sitt xhur, qabel id-data tal-bidu tal-insolvenza ta’ min iħaddem/tħaddem jew qabel it-tmiem tal-impieg.

(ċ) L-ammonti mħallsa mill-Fond ta’ Garanzija fl-ebda każ ma’ għandhom jaqbżu somma li hija ekwivalenti għall-paga minima nazzjonali ta’ tlettax-il ġimgħa pagabbli fil-ħin tat-tmiem tal-impieg ta’ dak l-impjegat/impjegata.

​Id-dokumentazzjoni mogħtija mill-impjegat/impjegata tintbagħat lill-Bord tal-Amministrazzjoni flimkien mat-talba, sabiex il-Bord tal-Amministrazzjoni, ikun jista’ jasal għal deċiżjoni dwar il-validità tat-talba li qed tiġi ppreżentata. Il-Bord tal-Amministrazzjoni jista’ jitlob kwalunkwe informazzjoni minn kwalunkwe persuna biex tkun tista’ twettaq l-obbligi tagħha, u għandu jkun id-dmir ta’ kwalunkwe persuna bħal din li tikkopera bis-sħiħ mal-Bord tal-Amministrazzjoni.

L-impjegat/impjegata jorbot/torbot lilu/lilha nnifsu/nnifisha biex jirrimborża/tirrimborża lill-Fond b’somma ekwivalenti, għall-ammont imħallas mill-Fond mill-Bord Amministrattiv fir-rigward tat-talba magħmula mill-impjegat/impjegata minn kwalunkwe ammonti miġbura minn kwalunkwe proċedura tal-qorti jew minn kwalunkwe soluzzjoni riċevuta minn likwidatur, skond il-każ.​

Kwalunkwe persuna li tinstab ħatja li tirreġistra talba falza għal ammonti mhux imħallsa jew li jinsab/tinstab ħatja ta’ aġir f’kollużjoni ma’ min iħaddem/tħaddem jew impjegat/impjegata sabiex jikseb/tikseb ħlasijiet mill-Fond, għandu/għandha tkun ħati/ħatja ta’ reat u għandu/għandha jkun/tkun responsabbli għal kundanna. għal multa li hija ekwivalenti għal għaxar darbiet l-ammont imħallas mill-Fond, flimkien ma’ kull piena oħra li għalih/għaliha l-ħati/ħatja għandu/għandha jkun/tkun responsabbli skont kull liġi oħra applikabbli.